तुमसर (२४ फेब्रुवारी) : स्थानिक बस स्थानक परिसरात प्रवाशांची होणारी गैरसोय दूर करण्यासाठी डूंभरे ज्वेलर्स तर्फे एक सामाजिक बांधिलकी जपणारे पाऊल उचलण्यात आले आहे. नागपूर आणि इतर लांब पल्ल्याच्या बसची वाट पाहणाऱ्या प्रवाशांसाठी स्व. सुभाषराव डूंभरे यांच्या स्मृतिप्रीत्यर्थ उभारण्यात आलेल्या सुसज्ज यात्री शेडचे (छोटा बस स्टॉप) लोकार्पण मंगळवारी दिमाखात पार पडले.
प्रवाशांची ऊन-पावसापासून होणार सुटका : गेल्या अनेक वर्षांपासून नागपूर, भंडारा व पुढील प्रवासासाठी जाणाऱ्या प्रवाशांना झाडाखाली उभे राहून बसची प्रतीक्षा करावी लागत होती. विशेषतः कडक उन्हात महिला, वृद्ध आणि बालकांना प्रचंड त्रास सहन करावा लागत असे. ही समस्या लक्षात घेऊन डूंभरे परिवाराने पुढाकार घेतला आणि प्रवाशांना बसण्यासाठी व उभे राहण्यासाठी सावलीची कायमस्वरूपी व्यवस्था केली.
दिग्गजांच्या उपस्थितीत पार पडला सोहळा...
या लोकार्पण सोहळ्याला राजकीय व सामाजिक क्षेत्रातील मान्यवरांची उपस्थिती होती. यात माजी खासदार मधुकर कुकडे, माजी आमदार चरण वाघमारे, अनिल सुरजन, प्रादेशिक व्यवस्थापक श्रीकांत शिंदे, विभाग नियंत्रक तनुजा अहिरकर, प्रादेशिक अभियंता महेंद्र नेवारे, संध्या सुभाष डूंभरे, संचालक मंगेश डूंभरे, किशोर आदमने, सतीश कटरे, कन्हैया भोगे आणि इतर मान्यवर उपस्थित होते. संचालन व आभार उकरे यांनी मानले.
'आमचे मार्गदर्शक स्व. सुभाषराव डूंभरे यांच्या प्रेरणेतून समाजासाठी काहीतरी देणं लागतो, या भावनेतून आम्ही हे यात्री शेड उभारले आहे. तुमसरवासीयांची गैरसोय दूर करताना आम्हाला अभिमान वाटत आहे. 'मंगेश डूंभरे, संचालक, डूंभरे ज्वेलर्स कार्यक्रमाच्या यशस्वीतेकरिता रवींद्र ढोमने, नितीन डूंभरे, आर्य मर्जीवे, राजेश मर्जीवे, अतुल डूंभरे, अंशुल ढोमने आणि मनोज उकरे यांनी अथक परिश्रम घेतले.डूंभरे ज्वेलर्सच्या या लोकोपयोगी कार्याचे संपूर्ण शहरात कौतुक होत असून, प्रवाशांनी या सुविधेबद्दल समाधान व्यक्त केले आहे.
