लडाख - येथे असलेल्या आंदोलनाच्या पार्श्वभूमीवर केंद्र सरकारने महत्त्वाचे पाऊल उचलत सामाजिक कार्यकर्ते सोनम वांगचुक यांच्यावरील नजरकैद रद्द करण्याचा निर्णय घेतला आहे. या निर्णयामुळे लडाखमधील परिस्थिती शांततेकडे वळण्याची शक्यता व्यक्त केली जात आहे.
केंद्राच्या गृह विभागाने दिलेल्या माहितीनुसार, राष्ट्रीय सुरक्षा कायद्यांतर्गत लावण्यात आलेली नजरकैद तात्काळ प्रभावाने मागे घेण्यात आली आहे. लडाखमध्ये शांतता, स्थिरता आणि परस्पर विश्वासाचे वातावरण निर्माण करण्यासाठी सरकार कटिबद्ध असल्याचेही निवेदनात नमूद करण्यात आले आहे.
तसेच लडाखमधील विविध घटक आणि संघटनांशी सकारात्मक व फलदायी चर्चा घडवून आणण्यासाठी हा निर्णय घेण्यात आल्याचे सरकारकडून स्पष्ट करण्यात आले आहे. या निर्णयामुळे स्थानिक पातळीवर सुरू असलेल्या आंदोलनामध्ये काही प्रमाणात सकारात्मक वातावरण निर्माण होईल, अशी अपेक्षा व्यक्त केली जात आहे.
पर्यावरण संवर्धन आणि लडाखच्या हक्कांसाठी सातत्याने आवाज उठवणारे कार्यकर्ते म्हणून सोनम वांगचुक यांना मोठा लोकसमर्थन मिळत आले आहे. त्यांच्या सुटकेमुळे लडाखमधील आंदोलनाला नवे वळण मिळण्याची शक्यता व्यक्त केली जात आहे.
