बारामती : महाराष्ट्राच्या राजकारणातील सध्याच्या महत्त्वाच्या प्रसंगांमध्ये आज एक खास क्षण घडला आहे. राष्ट्रवादी काँग्रेसचे ज्येष्ठ नेते शरद पवार यांनी उपमुख्यमंत्री सुनेत्रा पवार यांना भेट देण्यासाठी बारामती येथील सहयोग सोसायटीतील निवासस्थानी भेटीला हजर राहिले.
या भेटीपूर्वी पवार कुटुंबीयांतील आमदार रोहित पवार आणि इतर सदस्य देखील सोसायटीत दाखल झाले होते. शरद पवार, त्यांच्या पत्नी प्रतिभा पवार आणि रोहित पवार यांच्यासह आज सुनेत्रा पवार यांच्या घरासमोर मोठी गर्दी झाली.सहयोग सोसायटीत दिवंगत उपमुख्यमंत्री अजित पवार यांचा फोटो मोठ्या प्रमाणात लावण्यात आला असून, शरद पवार यांनी प्रथम त्यांच्या प्रतिमेला आदरांजली वाहिली. नंतर ते बैठकीसाठी बसले तर त्यांच्याजवळ सुनेत्रा पवार आणि जय पवार उपस्थित होते.
अजित पवार यांच्या निधनानंतर आज आठ दिवस पूर्ण झाले असून, या दुःखद घटनेमुळे महाराष्ट्रभर शोककळा पसरली आहे. सुनेत्रा पवार यांना उपमुख्यमंत्री पदाची जबाबदारी सोपवण्यात आली असून, त्यांच्याकडे मोठ्या जबाबदाऱ्या येत आहेत.शपथ घेतल्यानंतर आज पहिल्यांदाच शरद पवार आणि सुनेत्रा पवार यांची भेट झाली असून, या भेटीत कोणते विषय चर्चिले गेले याकडे सत्ताधारी पक्ष आणि राजकीय वर्तुळाचे लक्ष लागले आहे. यापूर्वी पार्थ पवार आणि जय पवार यांनी शरद पवार यांची भेट घेतली होती.