मुंबई : गुढी पाडव्याच्या सणासुदीच्या वातावरणात ग्राहकांसाठी दिलासादायक घडामोड समोर आली आहे. नववर्षाच्या प्रारंभीच सोन्याच्या किमतीत मोठी घसरण झाल्याने बाजारात खरेदीला चालना मिळण्याची शक्यता आहे. आज सराफा बाजार सुरू होताच २४ कॅरेट सोन्याच्या दरात प्रति तोळा सुमारे ₹२७८० इतकी घट नोंदवली गेली.
महाराष्ट्रात पाडव्याच्या दिवशी सोनं खरेदी करण्याची परंपरा असल्यामुळे ही घसरण ग्राहकांसाठी फायदेशीर ठरत आहे. याचबरोबर चांदीच्या दरातही काही प्रमाणात बदल दिसून आला आहे. आंतरराष्ट्रीय घडामोडी, विशेषतः आखाती देशांतील तणाव असतानाही सोन्याच्या किमती कमी झाल्या आहेत.कालच्या तुलनेत आज २४ कॅरेट सोन्याचा दर ₹१,५७,५७० वरून घसरत ₹१,५४,७९० प्रति १० ग्रॅमवर आला आहे. २२ कॅरेट सोन्याचा भावही ₹१,४४,४५० वरून कमी होत ₹१,४१,९०० प्रति १० ग्रॅम झाला आहे. त्याचप्रमाणे १८ कॅरेट सोन्याचा दर ₹१,१८,२२० वरून ₹१,१६,१३० प्रति १० ग्रॅमपर्यंत खाली आला आहे.
मुंबई, पुणे यांसारख्या प्रमुख शहरांत २४ कॅरेट सोन्याचा दर साधारण ₹१,५४,६४० ते ₹१,५४,७९० दरम्यान असून २२ कॅरेट सोन्याचा दर ₹१,४१,७५० ते ₹१,४१,९०० दरम्यान आहे. कोलकाता, जयपूर आणि लखनौमध्येही जवळपास याच दराने व्यवहार सुरू आहेत.दरम्यान, कच्च्या तेलाच्या वाढत्या किमती आणि अमेरिका-इस्त्राईल-इराण यांच्यातील तणावामुळे जागतिक बाजारपेठेत अस्थिरता निर्माण झाली आहे. तरीही, सध्या सोन्याच्या दरात घसरण होत असल्याने गुंतवणूकदार आणि ग्राहक दोघांसाठीही ही परिस्थिती महत्त्वाची ठरत आहे.