नागपूर: एकनाथ शिंदे यांनी बच्चू कडू यांना त्यांच्या पक्षाच्या संभाव्य विलिनीकरणाबाबत महत्त्वाची ऑफर दिल्याची राजकीय वर्तुळात चर्चा सुरू आहे. या प्रस्तावानुसार विलिनीकरण झाल्यास बच्चू कडूंना विधानपरिषदेवर संधी देण्याचा पर्यायही पुढे आल्याचे समजते.
या घडामोडीनंतर बच्चू कडूंनी पक्षातील पदाधिकारी आणि कार्यकर्त्यांची मते जाणून घेण्यासाठी एसएमएसद्वारे सल्लामसलत सुरू केली आहे. कोणताही मोठा निर्णय घेण्याआधी सर्वांच्या मतांचा विचार केला जाईल, असे त्यांनी स्पष्ट केल्याची माहिती समोर येत आहे.
या संभाव्य राजकीय हालचालींमुळे राज्यातील राजकीय वातावरण तापले असून विविध चर्चांना उधाण आले आहे. मात्र अंतिम निर्णय बच्चू कडू आणि त्यांच्या कार्यकर्त्यांच्या भूमिकेनंतरच निश्चित होणार असल्याचे सांगितले जात आहे.
